Braif aan Hebreeërs 8 : 1-6

⁰¹Punt doar t om draait is dit: wie hebben ain as hogepriester, dij zitten goan is aan rechterzied van majesteit zien troon in hemel.
⁰²Hai dut doar dainst in t ainegste echte haailegdom, in tènt, dij nait deur mensken opzet is, mor deur de Heer.
⁰³Elke hogepriester het opdracht goaven en ovvers te brengen. Doarom mos dizzent ook wat in handen hebben om op te droagen.
⁰⁴As e nou op eerde was, zol e èns gain hogepriester wezen. Der binnen ja al gounent dij goaven brengen zo as wet dat veurschrift.
⁰⁵Mor heur dainst is allain mor n ofbeelden en n glimp van dij in hemel. Dou Mozes tènt opzetten wol, kreeg e van God te heuren: “Zörg der veur dat ie ales moaken noar t veurbeeld dat joe op baarg zain loaten is.”
⁰⁶Mor t waark as priester dat Jezus touwezen is, is veul en veul meer. Zo is t verbond, doar hai in middeld het, ook veul beter: t berust ja op betere beloftes.