Braif aan Hebreeërs 8 : 7-13 (dodenherdenking)

⁰⁷As op dat eerste verbond niks aan te maarken was, haar der gain twijde neudeg west.
⁰⁸Mor God geft heur n inzeggen: “Der kommen tieden, zegt de Heer, dat ik mit t volk van Israël en mit t volk van Juda n nij verbond sloeten zel.

⁰⁹Dat zel aans wezen as t verbond dat ik sloten heb mit heur veurolden, dou ik heur bie haand kreeg en oet Egypte laaidde. Zai hebben zok ja nait holden aan mien verbond, en ik heb handen van heur oftrokken, zegt de Heer.
¹⁰ Dit is t verbond dat ik loater mit t volk van Israël sloeten zel, zegt de Heer. Mien wetten breng ik heur onder t verstand, in heur haart zel ik ze schrieven. Ik zel heur God wezen en zai mien volk.
¹¹ Der zel gainain zien laandsman of zien bruier meer onderrichten en tegen hom zeggen: ‘Hol de Heer in reken.’ Ze zellen mie ja altmoal kennen – lutjekes en groten.
¹² Ongerechtegheden zel ik heur genoadeg wezen en aan heur zunden zel ik nait laanger denken.”
¹³ Deurdat hai t hier over n nij verbond het, het t eerste veur hom ofdoan. Ales wat old is en zokzulm overleefd het, staait op punt van verswinnen.