t Evengelie volgens Lucas Volholden mit beden (18: 1- 8)

t Evengelie volgens Lucas 18

⁰¹Hai leerde heur in n geliekenis dat ze altied beden zollen en dat nait versloeren loaten.
⁰²Hai zee: “In n stad was n rechter. Dij haar gain ontzag veur God en hai steurde zok aan gain mensk.
⁰³In dij aigenste stad woonde ook n wedevraauw. Dij kwam ieder bòt bie hom mit t verzuik: 'Help mie toch aan mien recht bie mien tegenpertij!'
⁰⁴n Haile zet wol e nait, mor op n duur zee e bie zokzulm: 'Of heb k ook gain ontzag veur God en steur k mie aan gain mensk, toch zel k heur aan heur recht helpen.
⁰⁵Ze zoest mie ja aal om kop! Aans kon ze mie op t lest nog wel es n blaauw oog sloagen!'”
⁰⁶Dou zee de Heer: “Heur toch, wat of dij onrechtveerdege rechter zegt!
⁰⁷Zol God den nait dijent aan heur recht helpen dij hai oetkozen het, dij bie dag en bie naacht aan hom roupen en noar wèl of hai altied geduldeg lustert?
⁰⁸Dit wil k joe zeggen: hai zel heur mit n gaauwens aan heur recht helpen. Mor as Menskenzeun komt, zel e den t geleuf vinden in wereld?”