Psaalm 35 : 1-10

⁰⁰¹Van David.
Keer joe tegen lu dij zok tegen mie keren, o HEER,

strie tegen heur dij tegen mie strieden,

⁰⁰²griep lutje schild en grode schild
en moak joe kloar om mie te helpen!

⁰⁰³Bestrie mit speer en heksebiel
dij mie vervolgen.

Zeg tegen mie:

“Ik bin dien redden.”

⁰⁰⁴Loaten zai zok schoamen en te schaande kommen
dij mie noar t levent stoan,

loaten zai zok terogtrekken en zok schoamen

dij t maal op mie veurzain haren.

⁰⁰⁵Loat heur wezen as kaf dat verwaait
as engel van de HEER heur omstöt,

⁰⁰⁶loat heur weg duuster wezen en vol bragel
as engel van de HEER heur achtervolgt.

⁰⁰⁷Zunder reden hebben zai n vangnet veur mie zet,
zunder reden n koel veur mie groaven.

⁰⁰⁸Breng heur in t verdaarf veur zai der aarg in hebben,
loat t vangnet dat zai oet t zicht deelzet haren, heur vangen,

loat heur der zulm in omkommen.

⁰⁰⁹Den zel ik joechaaien veur de HEER,
van haarten blied dat hai mie redt.

⁰¹⁰ Oet grond van mien haart zel k zeggen:
“HEER, wèl is aan joe geliek?