Braif aan Hebreeërs 2 :13-18

¹³ Hai zegt ook nog: “Ik zel mie haildaal aan God overgeven.” En wieder: “Hier bin ik mit kinder, dij God mie geven het.”

¹⁴ Nou binnen dij kinder mensken van vlaais en bloud. Doarom het e krekt as wie leven wild, om deur zien dood boas over dood, dat is duvel, van troon òf te kriegen,
¹⁵ en zo ale lu vrij te moaken, dij heur haile levent laank as doeknekt gingen – zo baang wazzen ze veur dood.
¹⁶ Mit engels het e ja gain omdenken. Wel mit Abraham zien noazoaten.
¹⁷ Doarom mos hai in ales geliek aan zien bruiers worden. Bloots zo kon e ja n barmhaartege en traauwe hogepriester worden in God zien dainst. Zo kon e zunden van zien volk goudmoaken.
¹⁸ Omdat hai zulm leden het en verzöcht worden is, kin e dijent helpen dij der meschain onderdeur goan.