Braif aan Hebreeërs 2 :5-12

⁰⁵God het wereld dij komt – en doar heb we t hier over – nait aan engels onderdoaneg moakt.
⁰⁶Krekt aansom. Ain het woaraarns getuugd:
“Wat is mensk, dat ie om hom denken,

t menskenkind, dat ie noar hom omkieken?

⁰⁷Ie hebben hom mor n kòrte schòft bie engels achtersteld,
n kroon van stoatsie en eer heb ie hom opzet.

⁰⁸Ale dingen heb ie in zien macht geven
en aan zien vouten deellegd.”

Dat God ales in zien macht geven het, maint, dat ter niks oetzunderd is. Mor dat zain we nou nog nait.
⁰⁹Mor we zain Jezus wel, dij n kòrte schòft bie engels achtersteld was vanwege t deurstoan van dood. Hai is deur genoadege God mit eer en stoatsie kroond omdat hai dood ondergoan het.
¹⁰ Hai, dij t begun en t èn van ales is, brochde veul kinder tou heerlekhaid. Doarom mos e laaidsman ook ja wel tou volmoakthaid brengen. Deur t lieden, wel te begriepen.
¹¹ Hai, dij haaileg moakt en zai, dij haaileg moakt worden, hebben ja altmoal ain en dezulfde oorsprong. Doarom duurt hai ook best “bruiers” tegen heur te zeggen.
¹² Hai zegt ja: “Joen noam zel ik bie mien bruiers mit eren nuimen, maank gemainte zel ik joe priezen.”