Rechters 6:25-32

²⁵ Dijzulfde naacht nog zee de HEER tegen Gideon: “Pak ain van de twij ovverbollen van dien pa, dij van zeuven joar. Smiet altoar van dien pa ondersteboven en haauw haailege poal dij der bie staait, om.
²⁶ Baauw den op top van dizze hoge bult n altoar veur de HEER, dien God. Moak dij kloar en ovver den dij bol van dien pa as brandovver. Poal dijstoe omhaauwen hest, most as branholt bruken.”
²⁷ Mit hulp van zien knechten dee Gideon t aal zo as de HEER hom zegd haar. Omdat e baang was veur zien volk en veur mensken oet stad, dee e t snaachts en nait overdag.
²⁸ Dou lu oet stad aanderdoagsmörgensvroug wakker werden – kiek toch ais: t altoar van Baäl ondersteboven smeten en haailege poal dij der bie ston, omkapt. En bol ovverd op t altoar dat ter baauwd was.
²⁹ “Wèl zol dat ommaans had hebben?” zeden ze tegen nkander. Ze zöchten t oet en deden links en rechts noavroag. Zo kwammen ze der achter. “Gideon, ain van Joäs, dij het t doan,” zeden mensken.
³⁰ Dou zeden ze tegen Joäs: “Breng joen zeun noar boeten tou! Der aan mout e! Hai het t altoar van Baäl deelhoald en haailege poal dij der bie ston, het e omkapt.”
³¹ Mor Joäs zee tegen lu dij der over tou kommen wazzen: “Mout ié veur Baäl opkommen? Denk ie dat ie hom helpen mouten? Elkenain dij veur Baäl opkomt, zel dizze aigenste mörgen nog doodmoakt worden. As hai n god is, kin e wel veur zokzulm opkommen. t Is zien altoar ja dat deelhoald is.”
³² Dij dag kwam Gideon aan noam Jerubbaäl. Mensken zeden ja: “Baäl zel t wel tegen hom opnemen, nou e zien altoar deelhoald het.”