Braif aan Filippiërs 2: 12-18

¹² Nou den, beste lu! Ie hebben aaltied noar mie lusterd. Dou dat nait bloots as k bie joe bin, dou dat eerst recht as k vot bin. Loat t waark joe aanvlaigen dat doan worden mout veur nkanders behold.
¹³ God is t ja dij joe wint veur wat of hai in t zin het en joe doar veur aan t waark zet.
¹⁴ Dou t aal zunder mòtjen en hikhakken.
¹⁵ Dat ie naargens van verdocht worden kinnen en eerlek binnen: onbesproken kinder van God maank mensken dij dwaars en verkeerd binnen.
¹⁶ Doartussen mout ie schienen as steerns aan lucht deurdat ie mit t woord van levent heur beschienen. Doar zel k van snaren kinnen as Christus zien dag komt. Den heb k nait omsunt rund en schript.
¹⁷ Mor of zol mien bloud ook oetgoten worden bie ovverdainst van joen geleuf, toch bin k blied en dail ik bliedschop mit joe aalmoal.
¹⁸ Net zo mout ie blied wezen en bliedschop mit mie dailen.