Braif aan Romaainen 10 : 14-21

¹⁴ Mor hou zellen ze nou op ain n beroup doun doar ze nait in leufd hebben? En hou kinnen ze in ain leuven doar ze nait van heurd hebben? En hou zellen ze heuren, as ter nait ain mit n bosschop komt?
¹⁵ En hou zellen ze n bosschop brengen, as ze der nait veur stuurd binnen? Zo staait t ter toch: “Voutstappen van wèl mit goie berichten kommen, klinken ons as meziek in oren!”
¹⁶ Mor nait altmoal hebben zai t goie nijs aannomen. Jesaja vruig ja: “Heer, wèl het leufd wat e van ons te heuren kreeg?”
¹⁷ Zo zain ie mor: t geleuf mout t van t heuren hebben. En heuren kin je, deurdat Christus sprekt.
¹⁸ Mor nou vroag ik joe: hebben ze t meschain nait heurd? Wis en zeker hebben ze dat! “Haile wereld over ging heur geluud, in ale houken en hörns van wereld kwammen heur woorden deur.”
¹⁹ Mor den vroag ik: het Israël t meschain nait begrepen? Mozes is eerste dij zegt: “Ik zel joe ofgunsteg moaken op n onvolk; op n volk zunder inzicht zel ik joe vergrèld moaken.”
²⁰ Jesaja duurt t aan te zeggen: “Ik heb mie vinden loaten deur lu dij nait noar mie op zuik wazzen; ik heb mie zain loaten aan lu dij nait mit n vroag bie mie kwammen.”
²¹ Mor van Israël zegt e: “Haile dag heb ik mien handen oetstoken noar n volk, ongeheurzoam en tegendroadsk.”