Exodus 32:15-24

¹⁵ En Mozes draaide zok om en ging mit baaide stainen ploaten onder aarms bie baarg omdeel. Ploaten wazzen aan weerszieden mit wetsveurschriften beschreven.
¹⁶ God zulm haar dij ploaten moakt, God zulm haar ze mit zien aigen handschrift graveerd.
¹⁷ Dou Jozua t lewaai van t volk heurde, zee e tegen Mozes: “Dat kon ducht mie wel t geluud van oorlog in t legerkaamp wezen.”
¹⁸ “Mor t is gain geluud van n overwinnen,” antwoordde Mozes, “en ook gain geschraif bie n nederloag. Zo te heuren binnen ze aan t zingen.”
¹⁹ Mor dou hai dichter bie t legerkaamp kwam en t kaalf zag, en t gedaans doar omtou, wer hai zo vergrèld, dat hai smeet stainen ploaten doar onder aan baarg in groezels.
²⁰ Dou greep hai t kaalf dat ze moakt haren, verbraandde dat in t vuur en vermoalde t tot stof en streude dat over t wotter hèn. Dat luit hai Isrelieten opdrinken.
²¹ Hai zee tegen Aäron: “Wat het dat volk die toch doan, dastoe heur zoks swoare zunden doun loaten hest?”
²² “Doe most mor nait kwoad worden,” antwoordde Aäron, “Doe kenst dit volk ja. Doe waist ja zulm wel, dat dit n min volk is.
²³ Ze zeden tegen mie: ‘Moak n god veur ons dij veur ons oetgaait. Wie waiten ja hail nait wat ter mit dij Mozes, dij man dij ons tou Egypte oethoald het, gebeurd is.’
²⁴ Dou heb ik tegen heur zegd: ‘Wèl gold het, mout dat mor ofdoun en aan mie geven.’ Ik gooide dat in t vuur en dit kaalf is ter dou weer oetkommen.”