Eerste braif van Petrus 4 : 12 – 19

¹² Beste bruiers en zusters, verwonder joe nait over vuurproef dij ie ondergoan. t Is ainlieks niks biezunders.
¹³ Nee, wees ter eerder blied om dat ie zo n aandail hebben in t lieden van Christus. Want op dag dat zien glorie openboard wordt, zel ie haildaal ket-oet wezen.
¹⁴ As ze joe swaartmoaken om Christus: wat n gelok veur joe! Dat betaikent dat de Gaist van heerlekhaid en van God op joe rust.
¹⁵ Paas ter veur op dat gainent van joe te lieden krigt as moordenoar, daif, boef of ain dij neus in aandermans zoaken stekt.
¹⁶ Nee, as ie lieden mouten as christen, mout ie joe nait schoamen. Verheerlek God omdat ie dij noam droagen maggen.

¹⁷ t Is nou ja zo wied: t oordail begunt. En God zien aigen volk is t eerst aan beurt. Mor as hai bie óns begunt, hou zel t den oflopen mit heur dij niks van God zien bliede bosschop waiten willen?
¹⁸ En as rechtveerdege mor naauw red wordt, hou wordt t den mit ain dij zok nait keert aan God of gebod?
¹⁹ Doarom mouten zai dij te lieden hebben zo as God t wil, heur levent in zien haand geven en deurgoan mit t goie doun. Dij heur moakt het, dij zel heur nait valen loaten. Hai is ja te vertraauwen!