Psaalm 95

⁰⁰¹Kom, loat wie joechaaien veur de HEER,
jubeln veur rots van ons verlözzen.

⁰⁰²Loat wie bie hom kommen mit n daanklaid,
mit psaalms hom touzingen.

⁰⁰³Want de HEER is n groot God,
n groot keunenk over ale goden.

⁰⁰⁴In zien haand is t onbekende ondereerdse,
van hom binnen toppen van baargen,

⁰⁰⁵van hom is zee, dij het hai ja moakt,
en t vaaste laand, vörmd deur zien handen.

⁰⁰⁶Kom, loat ons deelboegen veur God en op knijen goan,
op knijen goan veur de HEER dij ons moakt het.

⁰⁰⁷Hai is ja ons God
en wie binnen t volk van zien waaide,

schoapen van zien haand.

Wol ie vandoag nog mor lustern noar zien stem:

⁰⁰⁸“Wees nait dwaars, net as bie Meriba,
op dag van Massa, in woestijn,

⁰⁰⁹doar joen voaders mie oetperbaaierd hebben,
doar zai mie oetdoagen wollen, al haren ze mien doaden ook zain.

⁰¹⁰ Vatteg joar laank heb ik waalgd van dij generoatsie.
Ik zee: ’t Haart van dit volk is op biesterboan,

zai willen van mien wegen nait waiten!’

⁰¹¹ Dat in mien vergrèldhaid heb ik sworen:
‘Zai zellen wis nait aan mien rustplak toukommen!’”