Hebreeën 7:11-19

¹¹ t Volk het wet kregen mit t oog op volmoakthaid. Mor as Levieten heur priesterschop volmoakt west haar, woarom mos ter den nog n aander priester aansteld worden – n priester net as Melchisedek en nait zo ain as Aäron?
¹² As t priesterschop veraandert, mout wet dat ook.
¹³ Man doar t hier over gaait, heurde bie n aander stam doar gainain van t altoar bedaind haar.
¹⁴ Elkenain wait ja dat ons Heer oet stam Juda komt, en wat dat aangaait: Mozes het toch gain woord zegd over priesters oet dij stam.
¹⁵ En t wordt nog n bult dudelker as we noagoan dat ter n aander priester inzet wer. Dij is, net as Melchisedek,
¹⁶ gain priester worden deur wet en ofstammen. Hai is dat worden op grond van n duurzoam levent.
¹⁷ Van hom wordt ja zegd: “Ie binnen priester veur aiweg en aaid, net as Melchisedek.”
¹⁸ t Olde veurschrift wordt aan zied schoven as e naargens meer tou dainen kin.
¹⁹ Wet het ja gain volmoakthaid brocht – mor nou stel we ons hoop op wat beters. Dij hoop brengt ons dichter bie God.