t Evengelie volgens Lucas 12 : 41-48

⁴¹ Petrus zee: “Heer, main ie mit dizze geliekenis bloots ons, of elkenain?”
⁴² De Heer zee: “Wèl is den dij traauwe en verstandege boas dij heer over zien volk aanstellen zel om heur op tied heur pozzie te doun?
⁴³ Dij knecht, dij zien heer as e komt, doar mit dounde vinden zel, dij is goud òf.
⁴⁴ Ik verzeker joe: hai zel hom over aal zien bezittens aanstellen.
⁴⁵ Mor as dij knecht bie zokzulm zeggen zol: Mien heer komt nog lange nait weer, en hai zol hèngoan en sloagen t waarkvolk en hai zol eten en drinken en dronkend wezen,
⁴⁶ den zel dij knecht zien heer kommen op n dag dat hai hom nait verwachten is en op n tied dij e nait wait. Den zel e hom tamtaaiern en hom behandeln as ain doar je nait van op aan kinnen.
⁴⁷ n Knecht dij wait hou of zien heer t hebben wil en dij zien heer t nait noar t zin doan het, dij krigt n dik pak sloag.
⁴⁸ Mor wèl of dat nait wait en dingen doan het doar e sloag veur verdaind het, dij krigt minder. Dij veul ontvongen het van dij wordt ook veul vroagd. En dij veul aanvertraauwd is van dij zel zoveul te meer vaargd worden.