Deuteronomium 25:11-19

¹¹ As twij mannen mit nkander vechten en vraauw van ain komt ter over tou om heur man bie te stoan in t gevecht tegen dij aander, en zai gript dij bie zien schoamte,
¹² den zel ie heur haand ofhaauwen en gain meedlieden hebben.

¹³ Ie maggen in joen pong gain twij ongelieke gewichten hebben, n grode en ain dij klaainer is.
¹⁴ En in joen hoes mag ie gain twij ongelieke efamoaten hebben, n grode en ain dij klaainer is.
¹⁵ Joen gewichten mouten geef en zuver wezen en joen moaten mouten ook geef en zuver wezen. Den zel ie laank leven in t laand dat de HEER, joen God, joe geft.
¹⁶ Want de HEER, joen God, het n ofgries van elkenain dij zukswat dut.

¹⁷ Hol goud veur ogen wat Amalek joe aandoan het, dou ie oet Egypte trokken.
¹⁸ Dat hai joe onderwegens tegenkwam en n aanvaal dee op ale swakken dij achteraan kwammen, dou ie muid en aan t èn wazzen. Hai haar God niks in reken.
¹⁹ As de HEER, joen God, joe in t laand dat hai joe veur aaltied in bezit geft, rust geven het van aal joen vijanden om joe tou, den mout ie alderdeegs aandenken aan Amalek onder hemel oetreuden. Dou der denk om.