Wieshaid van Jezus Sirach Veurzörg en verzichteghaid (18:19-29)

Wieshaid van Jezus Sirach 18

¹⁹ Loat die onderrichten veur dastoe wat zegst.
Denk nait eerst aan dien gezondhaid astoe zaik bist.

²⁰ Onderzuik die zulm veur dastoe oordaild wordst,
den worstoe vergeven as ze die oetperbaaiern.

²¹ Boeg nait eerst astoe zaik bist,
kom al tou inkeer zo gaauw astoe zundegd hest.

²² Astoe wat verzegd hest, most nait omdiedeldaanjen mit t ook doun,
wacht nait aan dien dood tou om t in odder te kriegen.

²³ Bedenk die goud veur dastoe wat verzegst,
most de Heer nait oetdoagen.

²⁴ Denk aan zien gram aan t èn van dien levent,
en aan zien straf as e zok van die ofkeert.

²⁵ Denk in tieden van overdoad aan tieden van krapte,
in tieden van riekdom aan aarmoud en gebrek.

²⁶ Tussen mörgen en oavend kin der veul veraandern,
bie de Heer is t aal votdoalek verbie.

²⁷ n Klouk mensk nemt zok bie ales in acht,
en in zundege tieden paast e op veur overtredens.

²⁸ Elk verstandeg mensk het wieshaid in reken,
en ain dij wieshaid vonden het, dut e kompelmenten.

²⁹ Dij wieze woorden begript, het zulm ook wieshaid,
en let n stroom van roake spreuken lös.

t Is beter op ainegste Heer te vertraauwen,

as mit n dood haart n dode aan te hangen.