2 Samuël Doaved zien testement (23: 1- 7)

2 Samuël 23

⁰¹Dit binnen leste woorden van David.
Zo zegt David, Isaï zien zeun, God zien hoog verheven held,

deur God van Jakob aansteld as keunenk, Israël zien oogappel,

bezongen in laiden van Israël:

⁰²“t Is de HEER zien gaist, dij in mie sprekt,
zien bosschop vertel ik.

⁰³God van Israël sprekt, Israël zien beschaarmer zegt tegen mie:
'Der komt ain, dij rechtveerdeg regaaiert over ale mensken,

dij regaaiert mit ontzag veur God.

⁰⁴Hai is as t mörgenlicht, as zun opkomt op n onbewolkte mörgen,
as zunnewaarmte t jonge gras op t laand wazzen dut noa n gruizoame regenbui.'

⁰⁵Zo dut God wizzenzeker ook mit mien hoes.
Hai het ja veur hailtied n verbond mit mie sloten,

dij nait weer stokkend kin en altied standholdt.

Joa, aal wat k wènsk en aal mien haail,

doar geft God wasdom aan, t is zekerwoar.

⁰⁶Mor minne lu, dij binnen altmoal as verwaaide stiekels,
doar je mit blode handen wel ofblieven willen.

⁰⁷Dij ze oproemen wil, gooit ze mit greep of vörk op n bult,
en stekt haile boudel in brand.”