Deuteronomium t Veurlezen van wet (31: 9-13)

Deuteronomium 31

⁰⁹Dou het Mozes dizze wet opschreven en aan priesters geven, zeuns van Levi, dij aark van t verbond van de HEER druigen, en aan ale oldsten van Israël.
¹⁰ Hai zee tegen heur: “Ieder bòt as zeuven joar om binnen, op n bepoalde tied in t joar van t liekmoaken, op t Loofhuttenfeest,
¹¹ as hail Israël komt om veur de HEER, joen God, te verschienen op t stee dij hai oetkaizen zel, mout ie dizze wet veur hail Israël veurlezen, dat zai t goud heuren.
¹² Roup t volk bie nkander: manlu, vraauwlu, kinder en vremden dij in joen steden touholden, dat zai der noar heuren zellen en leren om ontzag te hebben veur de HEER, joen God, en ale woorden van dizze wet sekuur noakommen.
¹³ Heur kinder dij der nog gain wait van hebben, mouten t ook heuren en leren ontzag te hebben veur de HEER, joen God, zo laank as ie leven in t laand dat ie in bezit nemen noadat ie Jordaan overstoken binnen.”