Jesaja HEER zien vroak tegen onrecht (63: 1- 6)

Jesaja 63

⁰¹“Wèl komt doar aan oet Edom, oet Bosra vandoan
in vuurrooie klaaier, zo mooi op zien zundags,

groots op wat e altmoal kin?”

Dat bin ik, dij rechtveerdeg oordailt,

dij macht het om te redden.

⁰²“Woarom binnen joen klaaier zo rood,
en zain ie der oet as ain dij droeven treedt?”

⁰³Ik allenneg heb wienpaars treden
en van volken was ter gainain bie mie.

In mien kwoadens heb ik heur vertreden,

vertrapt heb ik heur in mien grammiedeghaid.

Heur bloud is op mien klaaier sputterd,

mien haile klaaier wer begroetjed.

⁰⁴Want ik beroamde n dag van vergelden,
t joar van mien bloudvroak was kommen.

⁰⁵Ik keek om mie tou: gain helper te zain,
ik was verbiesterd: gainain was ter om mie bie te stoan.

Aanwezen was ik op aigen kracht,

mien kwoadens het mie biestoan.

⁰⁶In mien kwoadens heb ik volken vertreden,
ik heb heur vergraimd in mien grammiedeghaid.

Heur bloud luit ik over grond lopen.