Eerste braif aan Timoteüs t Dioakenamt (3: 8-13)

Eerste braif aan Timoteüs 03

⁰⁸t Zulfde geldt veur dioakens: t mouten respektoabele kerels wezen dij nait mit twij monden proaten, gain klokjebruiers of lu dij ales om geld doun,
⁰⁹mor mensken bie wèl t geleuf – hou zo'n gehaaime zoak of dat ook is – aan t licht komt in n zuver gewaiten.
¹⁰ Ook dizzent mout ie wel eerst aan taand vuilen. As ter den gain klachten binnen, kinnen ze in dainst kommen.
¹¹ Binnen t vraauwlu, den netgliek: ze mouten respektoabel wezen, maggen mensken nait berabbeln, nait aan draank wezen en aan ale kanten betraauwboar.
¹² Dioakens mouten zok bie ain vraauw holden en aan heur kinder en heur volk goie laaiden geven.
¹³ Wèl heur dainst as dioakens ja goud doan hebben, dij kommen n tree hoger en kriegen hail wat te zeggen in zoaken van t geleuf in Christus Jezus.