Genesis Boabel (11: 1- 9)

Genesis 11

⁰¹Haile wereld was ain van toal en sproak.
⁰²Dou ze noar t oosten trokken, vonden ze n vlakte in t laand Sinear, doar ze wonen gingen.
⁰³Ze zeden tegen mekoar: “Loat we stainen dreugen en tiggeln.” Veur t baauwen bruukten ze bakstain, en asfalt as spezie.
⁰⁴Dou zeden ze: “Kom, loat wie ons n stad baauwen mit n toorn doar top van in hemel stekt. Loat wie ons n noam moaken, dat wie nait over haile wereld verspraaid worden.”
⁰⁵Dou kwam de HEER omdeel om stad en toorn te zain doar mensken mit aan t baauwen wazzen.
⁰⁶De HEER zee: “Kiek, t is ain volk mit ain toal. Dit is t begun nog mor. Aanstonds zel heur niks meer onmeugelk wezen.
⁰⁷Dat loat wie omdeelgoan en heur toal in toeze brengen, dat zai mekoar nait meer verstoan kinnen.”
⁰⁸Zo muik de HEER dat ze oet nkander gingen over haile wereld en ze huilen op mit baauwen van stad.
⁰⁹Doarom nuimden ze stad Babel, omreden de HEER het doar toal van haile eerde in toeze brocht en mensken vandoar oet, over haile wereld verstreud.