Wieshaid van Jezus Sirach Spreken en swiegen (20:1-8)

Wieshaid van Jezus Sirach 20

⁰¹Sums komt n terechtwiezen nait van pas,
dij den t swiegen der tou dut, is verstandeg.

⁰²t Is beter terecht te wiezen as te bandiezen,

⁰³dij veur n fout oetkomt, het ter gain schoa van.

⁰⁴Dij mit geweld zien recht gelden loaten wil,
is as n eunuch dij n wichtje te noa kommen wil.

⁰⁵Mennegain dij niks zegt, wordt veur wies holden,
mennegain dij mond in baaide handen het, moakt zok gehoat.

⁰⁶Ain swigt omdat e gain weerwoord het,
aander swigt omdat e zien tied ofwacht.

⁰⁷n Wies mensk dut t swiegen der tou tot zien tied ter heer is,
mor n domme proatjeboksem let zien tied verbiegoan.

⁰⁸Dij der mor op lös revelt, het men n ofkeer van,
dij macht noar zok toutrekt, wordt hoat.

Wat is t goud om beraauw te teunen astoe terechtwezen wordst,

zo waistoe fouten veur te kommen.