Wieshaid van Jezus Sirach 44
23 op kop van Jakob rusten.
Deur zien zegen aanveerdde hai hom,
en gaf hai hom n gerechteghaid,
dat e verpaartte onder de twaalf stammen.
Hai raip oet Jakob n barmhaarteg man,
doar elkenain mit op haar,
01dij bemind was bie God en bie mensken:
Mozes – zegend is zien heugenschop.
02Hai het hom gelieke veul eer geven as engels,
en hom zo veul macht geven dat zien vijanden veur hom trilden.
03As Mozes t vruig, dee e votdoalek n wondertaiken,
hai het hom grootmoakt veur keunenks.
Hai gaf hom geboden veur zien volk,
en luit hom zien heerlekhaid zain.
04Om zien vertraauw en beschaaidenhaid het hai hom haailegd,
hai het hom kozen oet ale mensken,
05en hom zien stem heuren loaten,
hai brochde hom in n swaarde wolk,
en gaf hom doar mit aigen handen zien geboden:
wet dij levent en kennes geft,
dij Jakob onderricht in t verbond,
Israël zien veurschriften leert.
