Numeri Steden veur Levieten (35:1-8 )

Numeri 35

⁰¹De HEER zee tegen Mozes op Vlakte van Moäb, aan Jordaan bie Jericho:
⁰²“Bestel Isrelieten dat zai van heur aarfdail aan Levieten steden geven om te wonen. Ook t gruinlaand om steden tou mout ie Levieten geven.
⁰³Zai kinnen in dij steden wonen, en t gruinlaand is veur heur vij, veur heur opslag en veur aal heur daaiern.
⁰⁴t Gruinlaand bie steden dat ie aan Levieten geven mouten, is van stadsmuur òf doezend èl.
⁰⁵Meet tou t midden van stad oet twijdoezend èl òf noar oostkaant, twijdoezend èl noar zuudkaant, twijdoezend èl noar westkaant en twijdoezend èl noar noordkaant. Dit is t mainschoar bie heur steden.
⁰⁶Van steden dij ie Levieten geven mouten, binnen der zès n vrijstad. Doar kin ain noar tou vluchten as e n aander doodsloagen het. Doarbie mout ie nog twijenvatteg aandere steden ofstoan.
⁰⁷In t gehail mout ie dus achtenvatteg steden aan Levieten geven mit t mainschoar der omtou.
⁰⁸Wat steden aangaait dij je van t bezit van Isrelieten ofstoan, mout je van wèl n haile bult het, veul nemen en van wèl mor n luk beetje het, waaineg. Elk mout noar verholden van t aarfdail dat e krigt n aantal steden aan Levieten geven.”