Genesis Joakob noar Egypte (46: 1- 7)

Genesis 46

⁰¹Israël brook op mit aal zien hebben en holden. Hai kwam in Berseba en brochde ovvers veur de God van zien voader Isaak.
⁰²God sprak Israël aan in n vizioun: “Jakob, Jakob!” Hai antwoordde: “Hier bin ik.”
⁰³Hai zee: “Ik bin God, de God van dien voader. Wees nait baang om noar Egypte te goan.
⁰⁴Ik goa mit die mit noar Egypte en ik zel die zeker ook weerombrengen. Jozef zel die ogen sloeten.”
⁰⁵Dou ging Jakob vot oet Berseba. Zeuns van Israël zetten heur voader en heur vraauwen en kinder op woagens dij farao stuurd haar om hom te vervoaren.
⁰⁶Zai nammen heur vij mit en aal heur hebben en holden dij zai in t laand Kanaän kregen haren en zai kwammen in Egypte: Jakob en zien noageslacht.
⁰⁷Zien zeuns en zeuns van zien zeuns, aal zien noazoaten nam hai mit noar Egypte.