Eerste braif aan Korintiërs Evenwicht en onderschaaid tussen leden (12:21-31)

Eerste braif aan Korintiërs 12

²¹ Oog kin toch nait tegen haand zeggen: “k Heb gain verlet om die!” En kop kin toch nait tegen vouten zeggen: “k Heb gain verlet om joe!”
²² Nee, eerder aansom: dij leden dij zo t liekt t minste bie te zetten hebben, dij heb we nou net neudeg.
²³ Denk we van bepoalde leden: ze worden nait genog op pries stelt, den sier we ze ekstroa op. En zol t onfersounlek wezen ze veur t licht te hoalen, den klaid we ze ekstroa fersounlek aan.
²⁴ Veur leden dij der toch al fersounlek oetzain, huift dat nait. Nee, mor God het dou e t liggoam muik, boudel in t lieke brocht deurdat e aan wat op n legere tree ston, ekstroa veurkommen gaf.
²⁵ Den zol der in t liggoam gain twijspaalk kommen, mor zollen leden gliekeveul omdenken mitnkander hebben.
²⁶ Van dij gevolgen, dat as ain lid te lieden het, ale leden dat lieden mit hom dailen. En as ain lid tou aanzain komt, ale leden in zien bliedschop dailen.
²⁷ Nou, zo bin ie Christus zien liggoam en ain veur ain leden doarvan.
²⁸ In dij gemainte het God allereerst apostels aansteld, twijdens profeten, daardens leroars. Wieder nog lu mit t vermogen wonders te doun of mit de goave zaiken beter te moaken, gounent dij aandern biestoan kinnen, lu mit laaidersgoaven en aandern dij alderhande vremde toalen machteg binnen.
²⁹ Mor ze binnen toch zeker nait altmoal apostels, altmoal profeten, altmoal leroars? Ze kinnen toch nait altmoal wonders doun?
³⁰ Ze hebben toch zeker nait altmoal goaven zaiken beter te moaken? Ze proaten toch zeker nait altmoal in vremde toalen? Ze leggen toch zeker nait altmoal dij toalen oet?

³¹ Zai mor dat ie de beste goaven kriegen. Of nóg n betere, as dij der is!f + Wie volgen hier lezen van n papyrus oet ± 200.f* Weg wies ik joe wel.