Ezechiël Binnenin tempel (40:48-41: 4)

Ezechiël 40

⁴⁸ Hai brochde mie noar veurpertoal van tempel en meette penanten der van: 5 èl aan ain kaant en 5 èl aan aander kaant. Brette van poort was 3 èl aan ain kaant en 3 èl aan aander kaant.
⁴⁹ Veurpertoal was 20 èl laank en 11 èl braid. Men mos tien treden omhoog om der te kommen. Bie penanten ston aan weerskanten n zoel.

⁰¹Dou brochde man mie noar grode zoal. Doar meette hai penanten ook van: 6 èl braid aan ain kaant en 6 èl braid aan aander kaant: brette van n tènt.
⁰²Tougang was 10 èl braid en ziedkanten wazzen 5 èl aan ain kaant en 5 èl aan aander kaant. Hai meette lengte en dij was 40 èl, en brette, dij was 20 èl.
⁰³Dou ging e der in en meette penant bie tougang. Dij was 2 èl. Tougang zulm was 6 èl, en brette noast tougang was 7 èl.
⁰⁴Hai meette lengte: 20 èl, en brette: 20 èl, net as grode zoal. Hai zee tegen mie: “Dit is t alderhaailegste.”