t Evengelie volgens Matteüs Getsemané (26:36-56)

Indexen t Evengelie volgens Matteüs (109)
Jezus Christus zien ofkomst (1: 1-17)
Jezus zien geboorte (1:18-25)
Wiezen oet t oosten (2: 1-12)
Vlucht noar Egypte (2:13-15)
Kindermoord in Betlehem (2:16-18)
Weeromraais oet Egypte (2:19-23)
Johannes de Deuper (3: 1-12)
Jezus let zok deupen (3:13-16)
Jezus oetdoagd (4: 1-11)
Jezus zien eerste optreden (4:12-17)
Menskenviskers (4:18-22)
n Bult volk achter Hom aan (4:23-25)
Baargrede (5: 1-12)
Zolt en licht (5:13-16)
Jezus en wet (5:17-48)
Hou of we geven mouten (6: 1- 4)
Beden (6: 5-15)
Vasten (6:16-18)
Echte schat (6:19-34)
Nait oordailen (7: 1- 6)
Vroagen, zuiken, aankloppen (7: 7-12)
Twij wegen (7:13-23)
Heuren en doun (7:24-27)
Oetwaarken op t volk (7:28-8:1)
Meloatse man beder moakt (8: 2- 4)
Ofsier zien knecht beder moakt (8: 5-13)
Jezus moakt Petrus zien schoonmoeke beder (8:14-17)
Achter Jezus heer (8:18-22)
Störm op t meer (8:23-27)
Twij bezeten lu beder moakt (8:28-34)
Lamme man beder moakt (9: 1- 8)
Jezus ropt Matteüs (9: 9-13)
Over t vasten (9:14-17)
n Vraauw en n wichtje red (9:18-26)
Twij blinden beder moakt (9:27-31)
Stomme man gaait proaten (9:32-34)
Jezus zien waark (9:35-38)
Apostels worden oetstuurd (10: 1-11: 1)
Jezus en Johannes de Deuper (11: 2-15)
Strafpredekoatsie tegen tiedgenoten (11:16-24)
Jezus zien daankbedens (11:25-30)
Jezus en sabbat (12: 1-21)
Hou kin soatan, soatan oetdrieven? (12:22-32)
Boom en zien vrucht (12:33-37)
Farizeeërs willen n taiken zain (12:38-42)
Duvel komt weerom (12:43-45)
Jezus zien volk (12:46-50)
Geliekenis over t zoad (13: 1- 9)
Woarom geliekenizzen? (13:10-23)
Aander geliekenizzen (13:24-35)
Geliekenis van t roet oetlegd (13:36-50)
Nij en old (13:51-52)
Verlet om vertraauw (13:53-58)
Johannes de Deuper ombrocht (14: 1-12)
Jezus geft 5000 man te eten (14:13-21)
Jezus lopt over t wotter (14:22-33)
Zaiken in Gennésaret beder moakt (14:34-36)
Menskegeboden en God zien gebod (15: 1-20)
Vraauw oet Kana (15:21-28)
Jezus moakt veul mensken beder (15:29-31)
Twijde moal worden lu wonderliek zat (15:32-39)
Vroag om n taiken (16: 1- 4)
Leerlingen begriepen t nait (16: 5-12)
Petrus zien beliedenis (16:13-20)
Jezus zegt zien lieden aan (16:21-28)
Jezus op baarg verheerlekt (17: 1-13)
Jezus moakt bezeten jong beder (17:14-21)
Twijde moal t lieden veurzegd (17:22-23)
Betoalen van tempelbelasten (17:24-27)
Wèl is boas? (18: 1- 9)
t Verloren schoap (18:10-14)
Over t vergeven (18:15-35)
Oftraauwen (19: 1-12)
Jezus zegent kinder (19:13-15)
Rieke jongkerel (19:16-30)
Dij t leste komt, t eerste moalt (20: 1-16)
Jezus het t veur daarde moal over zien dood (20:17-19)
Nait boas speulen, mor knecht wezen (20:20-28)
Twij blinden beder moakt (20:29-34)
Intocht in Jeruzelem (21: 1-11)
Jezus in tempel (21:12-17)
Jezus verflukt viegeboom (21:18-22)
Jezus zien gezag (21:23-32)
Geliekenis over minne pachters (21:33-44)
Komplöt tegen Jezus (21:45-46)
Geliekenis over bruloft (22: 1-14)
Vroagen aan Jezus (22:15-33)
t Veurnoamste gebod (22:34-40)
Christus: Doavid zien Zeun en Heer (22:41-46)
Jezus veroordailt schriftgeleerden en Farizeeërs (23: 1-36)
Jezus beklagt Jeruzelem (23:37-39)
t End van wereld (24: 1-28)
Menskenzeun komt (24:29-50)
Geliekenis over tien wichter (25: 1-13)
Geliekenis over talenten (25:14-30)
Menskenzeun zien oordail over volken (25:31-46)
Veur leste moal t lieden veurzegd (26: 1- 5)
Jezus wordt zaalfd (26: 6-16)
Leste Oavendmoal (26:17-35)
Getsemané (26:36-56)
Jezus veur Hoge Road (26:57-75)
Hou of t mit Judas oflopen is (27: 1-10)
Jezus veur Piloatus (27:11-26)
Jezus bespot en kruzegd (27:27-56)
Jezus zien begraffenis (27:57-61)
Wachters bie t graf (27:62-66)
Vraauwlu bie t graf (28: 1-10)
Wachters heur verhoal (28:11-15)
Leste opdracht aan leerlingen (28:16-20)

t Evengelie volgens Matteüs 26

36 Dou ging Jezus mit heur noar stee tou dij Getsemane hait. “Goa hier zitten,” zee e tegen heur, “den goa ik doar aan t beden.”
37 Petrus en Zebedeüs zien twij zeuns nam e mit. Dou begunde hai triesterg en onrusteg te worden.
38 Hai zee tegen heur: “t Haart begeft mie t zuver van verdrait. Blief hier mit mie aan t woaken.”
39 Hai ging nog wat wieder, luit zok plat op grond valen en beedde: “Voader, as t aaids kin, loat dizze beker den aan mie verbiegoan. Mor nait zo as ik wil, mor zo as ie dat willen!”
40 Hai ging weerom noar zien leerlingen. En wazzen ze mie doar nait in sloap valen! “Kinst den nog gain uurke mit mie wakker blieven?” vruig e aan Petrus.
41 “Blief toch wakker en beed dat ie der nait onderdeur goan. Mensk zien gaist wil wel, mor noatuur is swak!”
42 Veur twijde moal ging e bie heur vandoan en beedde: “Voader, as dizze beker nait aan mie verbiegoan kin zunder dat ik hom drink, loat den mor kommen wat ie willen!”
43 Dou e weeromkwam, zag e dat ze weer in sloap valen wazzen; ze konden heur ogen nait open holden.
44 Hai luit heur geworden, ging weer vot en beedde t zulfde – veur daarde moal.
45 Dou ging e noar zien leerlingen weerom. “Nog aaltied mor aan t sloapen en aan t oetrusten?” zee e. “Nou is t zo wied! Menskenzeun wordt overleverd in handen van deugennaiten.
46 Kom, in t èn! Op pad! Kiek, doar komt man dij mie overlevert al aan!”

47 Hai haar dat nog mor naauw zegd of Judas kwam der aan, ain van de twaalm. Hai haar n haile koppel volk bie zok mit sweerden en knuppels. Ze wazzen der op oetstuurd deur opperpriesters en oldsten van t volk.
48 Dij hom overleverde, haar n taiken mit heur ofproat en zegd: “Dij ik n doetje geef, dat is hom! Dij mout ie pakken!”
49 Hai ging liek op Jezus òf en zee: “Goidag, rabbi!” en gaf hom n doetje.
50 “Mien laive man,” zee Jezus tegen hom, “bistoe doarveur hier?” Dou kwammen ze op hom tou, pakten Jezus vaast en nammen hom gevangen.
51 En verdold, ain van leerlingen greep zien sweerd, sluig noar hogepriester zien knecht: t oor der òf!
52 “Steek dien sweerd weer bie die,” bestelde Jezus hom. “Elk dij t sweerd bruukt, zel der deur omkommen.
53 Dochstoe meschain dat ik mien Voader nait om hulp vroagen kin? Dij zol mie votdoalek meer as twaalf legiounen engels sturen.
54 Mor hou zellen de Schriften den oetkommen dij zeggen dat t zó mout en nait aans?”
55 Op t aigenste ogenblik zee e tegen dij bende manlu: “Bin ik meschain n bandiet dat ie mit sweerden en knuppels der op oettrokken binnen om mie te pakken? Doagelks heb ik bie joe in tempel zeten om onderricht te geven en dou heb ie gain haand noar mie oetstoken!
56 Mor dit is allemoal zo goan omdat oetkommen mos wat profeten schreven hebben.” Dou trokken ale leerlingen aan hakken en luiten hom in steek.

Scroll naar boven