t Evengelie volgens Matteüs Jezus Christus zien ofkomst (1: 1-17)

t Evengelie volgens Matteüs 01

⁰¹Dit is t bouk van ofkomst van Jezus Christus, David zien zeun, Abraham zien zeun:
⁰²Abraham was Isaak zien voader, Isaak Jakob zienent, Jakob Juda en zien bruiers zienent.
⁰³Juda was Peres en Zerach heur voader; Tamar was heur moeke. Peres was Chesron zien voader, Chesron Aram zienent,
⁰⁴Aram Amminadab zienent, Amminadab Nachson zienent en Nachson Salmon zienent.
⁰⁵Salmon was Boäz zien voader; Rachab was zien moeke. Boäz was Obed zien voader; Ruth was zien moeke. Obed was Isaï zien voader
⁰⁶en Isaï was David zien voader.
David was Salomo zien voader; zien moeke was Uria zien vraauw.
⁰⁷Salomo was Rechabeam zien voader, Rechabeam Abia zienent, Abia Asa zienent
⁰⁸en Asa Josafat zienent. Josafat was Joram zien voader, Joram Uzzia zienent,
⁰⁹Uzzia Jotam zienent, Jotam Achaz zienent en Achaz Hizkia zienent.
¹⁰ Hizkia was Manasse zien voader, Manasse Amos zienent, Amos Josia zienent
¹¹ en Josia Jechonja en zien bruiers zienent, dou zai in Babylonië verbannen wazzen.

¹² Noa ballengschop in Babylonië was Jechonja Sealtiël zien voader, Sealtiël Zerubbabel zienent,
¹³ Zerubbabel Abiud zienent en Abiud Eljakim zienent. Eljakim was Azor zien voader,
¹⁴ Azor Sadok zienent, Sadok Achim zienent en Achim Eliud zienent.
¹⁵ Eliud was Eleazar zien voader, Eleazar Mattan zienent, Mattan Jakob zienent
¹⁶ en Jakob Jozef zienent. Jozef was man van Maria, dij moeke wer van Jezus, dij Christus nuimd wordt.

¹⁷ Ales bie nkander binnen dat ter van Abraham tot David aan tou vattien generoatsies, van David tot ballengschop in Babylonië aan tou vattien generoatsies en van ballengschop in Babylonië tot Christus aan tou vattien generoatsies.