t Evengelie volgens Matteüs Petrus zien beliedenis (16:13-20)

t Evengelie volgens Matteüs 16

¹³ Dou Jezus in kontrainen van Caesarea Filippi kommen was, vruig e zien leerlingen: “Wat denken lu van Menskenzeun? Wèl is dat?”
¹⁴ “Gounent zeggen van Johannes de Deuper, aandern Elia en nog weer aandern Jeremia of ain van aander profeten!”
¹⁵ “En ie, woarveur hol ié mie?” vruig e.
¹⁶ Petrus gaf t antwoord: “Ie binnen de Messias, Zeun van God dij leeft.”
¹⁷ “Doe bist n zegend man, Simon Barjona!” zee Jezus tegen hom. “Dat hestoe nait van die zulm, mor van mien Voader dij in hemel is.
¹⁸ Dit zeg ik die: doe bist Petrus, rots. En op dizze rots zel ik mien kerk baauwen. Macht van t dodenriek zel der gain boas over worden.
¹⁹ Ik zel die sleudels van t hemels keunenkriek geven. Wat ofstoe hier op eerde gelden letst dat zel in hemel gelden. En wat ofstoe hier op eerde nait gelden letst dat zel in hemel ook nait gelden.”
²⁰ Dou woarschaauwde hai zien leerlingen, ze zollen gain mensk vertellen: “Hai is de Messias.”