t Evengelie volgens Matteüs Nait oordailen (7: 1- 6)

t Evengelie volgens Matteüs 07

⁰¹Oordail nait over aandern, den zel der over joe ook nait oordaild worden.
⁰²Krekt zo as ie ja bie t oordailen tewaarkgoan, zo zel over joe oordaild worden. Mit aigenste moat doar ie mit meten, zel ie weeromkriegen.
⁰³Woarom zain ie splinter in joen bruier zien oog aal, mor baalk in joen aigen oog verneem ie nait?
⁰⁴Hou duur ie toch tegen hom zeggen: 'Loat mie dij splinter ais tou joen oog oethoalen,' en ondertied zit ter n baalk in joen aigen oog!
⁰⁵Hugelder dij ie binnen! Dou eerst baalk tou joen oog oet. Den zel ie schaarp genogt zain kinnen om splinter oet joen bruier zien oog te hoalen.

⁰⁶Geef wat haaileg is nait aan honden. Gooi joen peerls nait veur swienen. Zai mozzen dij ais vertrappen en zok omdraaien en joe verroppen!