Handelingen van apostels Hemelvoart (1: 6-11)

Handelingen van apostels 01

⁰⁶Dijent dij bie nkander kommen wazzen, vruigen hom: “Heer, zörg ie der in dizze tied veur dat Israël weer n zulfstandeg keunenkriek wordt?”
⁰⁷Hai zee tegen heur: “t Komt joe nait tou tied en gelegenhaid te waiten. Doar het de Voader beslizzen over aan zok holden.
⁰⁸Mor deurdat hillege Gaist over joe komt, zel ie kracht kriegen. Ie zellen mien getugen wezen in Jeruzalem, in hail Judea en Samaria. Joa, aan t èn van wereld tou.”

⁰⁹Dou e dit zegd haar, ging e veur heur ogen omhoog en n wolk schoof onder hom langs, dat ze hom nait meer zain konden.
¹⁰ Dou ze nog noar hemel stoarden in tied dat e noar omhoog ging, stonden der inains twij manlu bie heur. Ze wazzen in t wit.
¹¹ Dij spraken heur ook nog aan: “Manlu oet Galilea, woarom stoan ie doar zo noar hemel te kieken? Dizze Jezus is nou bie joe vothoald en opnomen in hemel. Op aigenste menaaier as ie hom noar hemel tou voaren zain hebben, zel e weeromkommen.”