Eerste braif aan Timoteüs t Opzicht over gemainte (3: 1- 7)

Eerste braif aan Timoteüs 03

⁰¹Hier kin je van op aan: as ain geern t opzicht over gemainte hebben wil, den is hom t om wat moois te doun.
⁰²Op ain dij opzicht het, mout den ook niks aan te maarken wezen. Hai mout zok bie ain vraauw holden, nöchtern, evenredeg, fersounlek en gastvrij wezen en n goie leroar.
⁰³t Mag gain drinker wezen, nait ain dij der vot in haauwt, mor geschikt, gain vechtersboas, ain dij t nait om geld te doun is,
⁰⁴dij zien volk goud laaiden geft, zien kinder op n haile respektoabele menaaier onder doem het
⁰⁵– as ain ja aan aigen volk gain laaiden geven kin, hou zel e den veur God zien gemainte zörgen? Dat kin ja nait! –
⁰⁶nait ain dij nog mor net tou geleuf kommen is; aans zol e zok te veul verbeelden en zol duvel hom aankloagen.
⁰⁷Hai mout ook goud aanschreven stoan bie mensken dij nait bie gemainte heuren; aans komt e op t woord en lopt e in duvel zien struup.