2 Keunenks Drievende biel (6:1-7)

2 Keunenks 06

⁰¹Op n dag zeden lu van profetenploug tegen Elisa: “t Stee doar wie mit joe touholden is te klaain veur ons aalmoal, dat zai ie ja wel.
⁰²Loat we noar Jordaan goan en doar boomstammen hoalen, dat wie n nij onderkommen baauwen.” “Goat joen gang!” zee Elisa.
⁰³Der was ain dij zee: ” t Zol mooi wezen, meneer, as ie mitgingen.” “Goud,” zee Elisa.
⁰⁴Hai ging mit heur noar Jordaan en doar begunden ze te boomkappen.
⁰⁵Dou ze doar mit in schrip wazzen, vloog bie ain van profeten biel tou stoal oet en vuil in t wotter. Hai gaf n gilp en raip: “Dat is mie ook wat, meneer! k Haar hom laind!”
⁰⁶“Woar is e hènvalen?” vruig godsman. Dou man hom t stee aanwezen haar, snee Elisa n toek òf en smeet dij in t wotter. Biel kwam dou bovendrieven.
⁰⁷“Hoal hom der mor oet,” zee e en man pakte hom tou t wotter oet.