1 Samuël Doavid bie Adullam (22: 1- 5)

1 Samuël 22

⁰¹David ging doarvandoan. Hai zöchde n goud hènkommen noar grot van Adullam. Dou zien bruiers en zien haile femilie dit heurden, kwammen ze doar bie hom.
⁰²Doar kwammen ook mensken bie hom dij grond te hait onder vouten worden was, elk dij n schuldaaiser haar en elk dij verbidderd was. David wer heur aanvoerder. Ze bleven bie hom, om en bie vaaierhonderd man.
⁰³Doarvandoan ging David noar Mispe tou in Moäb. Hai zee tegen keunenk van Moäb: “Maggen mien voader en mien moeke hier wel bie joe kommen tot ik wait wat of God mit mie veurhet?”
⁰⁴Zo brochde hai heur onder bie keunenk van Moäb. Zai bleven bie hom, zo laank as David in baargvesting zat.
⁰⁵Mor profeet Gad zee tegen David: “Blief hier nait, goa noar t laand van Juda tou.” Dou ging David noar t Cheretbos.