Jeremia 45

⁰¹Dou Baruch, zeun van Neria, in t vaaierde joar van keunenk Jojakim van Juda, zeun van Josia, ales wat Jeremia véúrzegd haar in boukrol opschreven haar, zee profeet tegen hom:
⁰²“Dit zegt de HEER, de God van Israël, tegen die, Baruch:
⁰³Doe zeest: 'O wai mie! De HEER moakt mien lieden aal slimmer. Ik krimp van pien, ik kin nait meer, naargens vin k verlichten!'
⁰⁴Dit zegt de HEER: Ik breek òf wat ik opbaauwd haar, ik rop tou grond oet wat ik plant haar en dat in t haile laand!
⁰⁵Doe hest veur die zulm hoge verwachtens. Verwacht mor nait te veul. Want rampen stuur ik òf op elk dij leeft – godssproak van de HEER. Dat zodounde wees mor blied dat ik die t levent ter ofred, woar ofstoe ook hèn gaaist!”