t Evengelie volgens Matteüs 5: 1-12

⁰¹Dou e aal t volk zag, ging e op baarg. Noadat e zitten goan was, kwammen zien leerlingen bie hom.
⁰²Hai nam t woord en leerde heur:

⁰³“Zoaleg dij aarm van gaist binnen:
t hemels keunenkriek is heurent;

⁰⁴zoaleg dij verdrait hebben:
zai zellen troost worden;

⁰⁵zoaleg dij zaachtmoudeg binnen:
zai zellen eerde aarven;

⁰⁶zoaleg dij honger en dörst noar gerechteghaid hebben:
zai zellen zat genog kriegen;

⁰⁷zoaleg dij omdenken hebben:
mensken zellen ook omdenken mit heur hebben;

⁰⁸zoaleg dij zuver van haart binnen:
zai zellen God zain;

⁰⁹zoaleg vredestichters:
zai zellen kinder van God nuimd worden;

¹⁰ zoaleg dij achterheer zeten worden om gerechteghaid:
t hemels keunenkriek is heurent.

¹¹ Zoaleg bin iezulm, as ze joe oetschelden, op hoed zitten en joe op alderhande menaaiers belastern, om mie.
¹² Wees ter deurhèn blied om en zing der op lös. In hemel wacht joe n riek loon. Zo hebben zai ja achter profeten véúr joe heer zeten.