Deuteronomium 19:11-21

¹¹ Mor as ter ain is dij zien noaste hoat en t op hom veurzain het, hom aanvaalt en doodmoakt en hai vlucht noar ain van dij steden,
¹² den mouten oldsten van zien stad hom doar weghoalen loaten en hom oetlevern aan dij op bloudvroak oet was.
¹³ Ie mouten gain meedlieden mit hom hebben. Zo zel ie joe woaren dat in Israël onschuldeg bloud vergoten wordt, en t zel goud mit joe goan.

¹⁴ Ie maggen swet dij joen veurolders vaststeld hebben, nait verleggen in t aarfdail dat joe touvaalt in t laand dat de HEER, joen God, joe geven het.

¹⁵ As ain n misstap begoan het of wat veur zunde t ook mor is, den kin men nait volstoan mit ain getuge. Op verkloaren van twij of drij getugen zel n zoak vaststoan.
¹⁶ As n filaaine getuge ain aanbrengt dat hai misdoad begoan hebben zol,
¹⁷ den zellen dij twij manlu dij dat geschil hebben veur de HEER verschienen mouten, veur priesters en rechters dij doar den over goan.
¹⁸ Rechters mouten sekuur onderzuik doun en as bliekt dat dij getuge n vaalze getuge is, dat hai tegen zien noaste n vaalze aanklacht indaind het,
¹⁹ den mout ie mit hom doun wat hai mit zien noaste doun wol. Zo mout ie aan t kwoad oet joen midden n èn moaken.

²⁰ Aandern zellen t heuren, baang worden en zokse minne streken nait bie joe oethoalen.
²¹ Mouten gain meedlieden mit hom hebben, t is levent om levent, oog om oog en taand om taand.