Braif aan Filippiërs 1: 1-11

⁰¹Paulus en Timoteüs, Christus Jezus zien knechten, wènsen aal dij bie Christus Jezus heuren in Filippi, mit heur opzichters en helpers,

⁰²genoade en vree van God, ons Voader, en van ons Heer Jezus Christus.

⁰³Ik daank mien God ieder bòt dat ik aan joe denk.
⁰⁴Aaltied ja as k veur joe aalmoal beden dou, den dou k dat vol bliedschop.
⁰⁵Van eerste dag òf, aan nou tou heb ie ja mithulpen t evengelie te verbraaiden.
⁰⁶Van ain ding bin k zeker: dat hai, dij n goud waark in joe begund is, dat ook aan t èn tou deurzetten zel aan Christus Jezus zien dag tou.

⁰⁷Dat kon ie ja nait aans van mie verwachten dat ik zo over joe aalmoal denken dee. Ik droag joe in mien haart. Ie stonden ja aalmoal mit mie onder aigenste genoade, in mien gevangenschop en bie mien verweer doar of ik t evengelie nog ais goud mit aanzegd heb.
⁰⁸God is mien getuge hou of ik noar joe aalmoal verlang. En dat verlangen geft Christus Jezus mie in.
⁰⁹Dit beed ik, dat joen laifde aal meer worden mag om t aal te begriepen en aan te vuilen,
¹⁰ dat ie t onderschaaid kennen doar of t op aankomt. Zodounde wor ie zuver en is ter niks op joe aan te maarken tegen tied dat Christus weer komt,
¹¹ riek as ie binnen aan vruchten van joen vrijsproak, dij Christus Jezus riep worden let. Tou eer en lof van God.