Ezechiël 10:1-8

⁰¹Dou zag ik dit: boven t verwulf boven koppen van cherubs, was zukswat te zain as n troon van saffier.
⁰²De HEER zee tegen man in zien linnen goud: “Goa noar t radwaark tou doar cherubs op rusten, pak handen vol glìnne kolen en streu dij over stad oet.” Ik zag man der hèn goan.
⁰³Cherubs stonden op dat ogenblik aan zuudkaant van tempel en n wolk vulde binnenste veurhof.
⁰⁴Dou zag ik schitternde verschienen van de HEER van boven cherubs noar tougang van tempel goan. Wolk vulde tempel en haile veurhof was vol mit glaans van de HEER zien verschienen.
⁰⁵Tot in boetenste veurhof tou was tougelieks t geluud van cherubs heur vleugels te heuren: t klonk net as stem van aalmachtege God as dij sprekt.
⁰⁶Dou bestelde hai man in t linnen: “Hoal nou wat vuur oet t radwaark onder cherubs vandoan.” Man ging der wieder in en ging noast ain van roaden stoan.
⁰⁷Ain van cherubs stook haand oet noar t vuur tussen heur in, pakte der wat van en legde t in handen van man in zien linnen goud. Dij ging der mit noar boeten tou.
⁰⁸Onder cherubs heur vleugels was zukswat te zain dat leek op n menskenhaand.