Psaalm 48

⁰⁰¹n Laid, n psaalm van Korachieten.

⁰⁰²De HEER is groot, ale lof komt hom tou.
In stad van ons God, zien haailege baarg,

⁰⁰³baarg Sion, – dij ligt op t noorden –
mit zien prachtege top moakt hai haile wereld blied,

stad van grode keunenk –

⁰⁰⁴in heur verstaarkte toorns wait men:
God is ons börg.

⁰⁰⁵Heur ais aan, keunenks hebben zok verzoameld,
zai trokken mit mekoar verbie.

⁰⁰⁶Zai zagen t en wazzen stomverboasd,
zai werden kèl en muiken dat ze votkwammen.

⁰⁰⁷Zai trilden der over,
haren krampen as n vraauw in de kroam,

⁰⁰⁸zo as oostewind in stokken slagt
schepen van Tarsis.

⁰⁰⁹Zo as wie t heurd hebben,
heb wie t zain in stad van de HEER van legermachten,

in stad van God:

God het heur grondvest, tot in aiweghaid. qs selaqs*

⁰¹⁰ Wie gedenken joen gunst, o God,
midden in joen tempel.

⁰¹¹ Zo as joen noam is, o God, zo is joen foam
tot aan oetènnen van eerde,

joen rechterhaand is vol rechtveerdeghaid.

⁰¹² Baarg Sion is blied,
dochters van Sion joechaaien

om joen rechtveerdege oordailen.

⁰¹³ Goa hèn, trek om Sion tou,
tel zien toorns.

⁰¹⁴ Bekiek heur schaanzen,
bewonder heur pelaaizen

om te vertellen aan t volgende geslacht:

⁰¹⁵ “Joa, dit is God,
ons God veur aiweg en aaltied,

veur aiweg zel hai ons laaiden.”