1 Samuël 14:16-23a

¹⁶ Dou oetkiekposten van Saul in Gibea in Benjamin dit zagen, t volk laip ja doodsbenaauwd rond,
¹⁷ zee Saul tegen t volk dat bie hom was: “Zuik es oet en kiek es noa wèl der van ons votgoan is.” Zai kwammen der achter dat Jonatan en zien woapendroager der nait wazzen.
¹⁸ Dou zee Saul tegen Achia: “Breng aark van God hier.” Aark van God was doudestieds bie Isrelieten.
¹⁹ Mor in tied dat Saul mit priester pruit, ging t ter in t kaamp van Filistijnen aal slimmer om weg. Saul zee tegen priesters: “Trek joen haand terog.”
²⁰ Saul en aal t volk dat bie hom was, kwammen bie mekoar. Dou zai op t slagveld kwammen was t doar ain grode waarboudel: ze haauwden mit t sweerd op nkander in.
²¹ Boetendes sloten Hebreeërs dij al n haile zet bie Filistijnen wazzen en in heur leger verspraaid mit heur optrokken, zok aan bie Isrelieten dij bie Saul en Jonatan wazzen.
²² Dou ale manlu van Israël dij in baargen van Efraïm beziedkropen wazzen, heurden dat Filistijnen op vlucht wazzen, sloten zai zok ook bie heur aan in de stried.
²³ Zo verlöste de HEER dij dag Israël.