Jesaja 8:23-9:6 (Kerstoavend)

²³ Der is gain ontkommen aan veur dij der deur insloten binnen.
Destieds werden vernederd t laand Naftali en t laand Zebulon,

In tied dij komt, worden ze weer eerd: weg noar zee,

laand aanderkaant Jordaan, Galilea doar haaidens wonen.

⁰¹t Volk dat omswint in t duustern
zugt n kloar licht,

dij wonen in n laand, swaart as naacht,

over dij stroalt licht.

⁰²Ket oet loat ie heur joechaaien,
groot moak ie heur bliedschop,

veur joen ogen deurhèn blied,

zo blied as men is bie t mennen,

en joechaai ropt bie t roofgoud verdailen.

⁰³Want t juk dat ze rizzen mouten,
staang bie heur op nek en stòk van heur driever,

stokkend broken heb ie dij of was t Midjansdag.

⁰⁴Joa, ale soldoatenstevels dij der over stampen,
en ale jazzen rondrold in t bloud,

opbraand zellen ze worden,

verteerd deur t vuur.

⁰⁵Want n potje is veur ons geboren,
n jonge zeun is ons geven,

macht en gezag ligt hom op scholder.

Men nuimt hom: Roadsman van wonder en geweld,

Held staark as n god, Voader veur aiweg en aaid, Vorst van vree.

⁰⁶Groot is zien macht, zunder èn zien vree,
veur troon van David en over zien riek.