t Evengelie volgens Lucas 20 : 20 – 26

²⁰ Ze huilen hom in de goaten en stuurden spionnen op hom òf. Dij zollen net doun of ze t goud mainden, mor ze zollen hom op zien woorden vangen. Den konden ze hom oetlevern in handen van stadholder.

²¹ Ze vruigen hom: “Meester, wie waiten dat ie liekoet spreken en onderricht geven. En gain mensk noar ogen kieken, mor eerlieks zeggen hou of God wil dat je leven zellen.
²² Nou den: mag wie kaaizer ainlieks wel belasten betoalen of nait?”
²³ Mor hai haar vot deur hou filaain of ze wazzen en zee tegen heur:
²⁴ “Loat mie es n denarie zain! Wèl zien kop en opschrift staait ter op?” Ze zeden van: “Kaaizer zienent!”
²⁵ Hai zee tegen heur: “Den geef aan kaaizer wat of kaaizer toukomt en aan God wat of God toukomt.”
²⁶ En zo konden ze, doar t volk bie ston, gain vat op zien woorden kriegen. Ze stonden versteld over zien antwoord en deden t swiegen der tou.