Handelingen van apostels 24 : 1-9

⁰¹Vief doag loater kwam opperpriester Ananias mit n stokkewat oldsten en avvekoat Tertullus. Zai dainden bie goeverneur n aanklacht tegen Paulus in.
⁰²Dou dij veurroupen was, begunde Tertullus zien aanklacht mit dizze woorden: “Excellenzie! Ie zörgen der veur dat wie in ale vree leven kinnen. Deur joen veuroetzainde blik kommen hier n bult veraanderns doar ons volk wil van het.
⁰³Dat wil we geern en bie elke gelegenhaid mit grode dankboarhaid erkennen.
⁰⁴Mor k wil joe nait te laank opholden. Doarom verzuik ik joe, inschikkelk as ie binnen, ons aan te heuren. Wie zellen t kòrt moaken.
⁰⁵Wie hebben noamelk vaststeld dat dizze man gewoonweg n pest is. Onder ale Jeuden in haile wereld moakt e rebulie. Hai is n veurman van pertij van Nazireeërs.
⁰⁶Hai het alderdeegs perbaaierd ons tempel te schenden. Dou heb we hom grepen.f + Aander handschriften hebben hier: “Wie wollen hom ja noar ons wet berechten. 7 Mor kommedant Lysias is tussenbaaident kommen en het hom mit geweld ons tou handen oethoald. Hai het bevel geven dat aankloagers mor noar joe tougoan mozzen.”f*
⁰⁸As ie hom ondervroagen, kin ie zulm van hom gewoarworden hou of t zit mit aal dij dingen doar of wie hom van beschuldegen.”
⁰⁹Ook Jeuden luiten heur instemmen blieken. “Zo zit t,” zeden ze.