Psaalms 85 (eerste zundag van advent)

⁰⁰¹Veur meziekmeester. Van Korachieten, n psaalm.

⁰⁰²Ie haren joen nocht aan joen laand, o HEER,
ie hebben t volk van Jakob dat gevangen zat, weerombrocht,

⁰⁰³ie hebben schuld van joen volk wegnomen,
ie hebben heur zunden aalmoal vergeven. qs selaqs*

⁰⁰⁴Ie hebben joen grammiedeghaid voaren loaten,
ie wazzen nait verbraand meer.

⁰⁰⁵Kom weer bie ons, o God, dij ons redt,
en wees nait meer grammiedeg op ons.

⁰⁰⁶Zel ie veur aaltied vergrèld op ons wezen,
zel ie verbraand blieven van geslacht op geslacht?

⁰⁰⁷Kin ie ons nait in t levent holden,
dat joen volk weer blied mit joe is?

⁰⁰⁸Loat ons, HEER, joen traauwe laifde zain
en geef ons joen haail.

⁰⁰⁹Ik wil heuren wat God zeggen zel, de HEER.
Hai zel zien volk en zien getraauwen ja vrundelk touspreken,

mor zai maggen nait terogvalen

in dom vertraauwen.

⁰¹⁰ Joa wis, zien haail is dichtbie veur dij ontzag veur hom hebben,
t is den gloria in ons laand,

⁰¹¹ laifde en traauw kommen bie nkander,
gerechteghaid en vree valen nkander om haals,

⁰¹² traauw komt op tou grond oet,
gerechteghaid kikt omdeel tou hemel oet.

⁰¹³ De HEER zulm geft aal t goie,
ons laand zel zien vruchten geven.

⁰¹⁴ Gerechteghaid zel hom veurgoan
en weg volgen dij zien vouten wiezen zellen.