Twijde braif aan Timoteüs 3 : 1-9

⁰¹Wait dit wel: loater zellen der swoare tieden aanbreken.
⁰²Mensken zellen den op aigenbelang oet wezen en op geld, opscheppers, dij zok hail wat verbeelden. Ze streuen proatjes rond, binnen heur olders ongeheurzoam, ondankboare en godvergeten lu.
⁰³Van laifde hebben ze gain wait, ze worden nooit weer goud op ain, zetten mensken tegen nkander op, binnen onmoateg en grof en mouten van wat goud is niks hebben.

⁰⁴Verroaders binnen t en woaghaalzen. Ze kinnen wind vlaigen zain en geven meer om genot as om God.
⁰⁵Van vroomhaid holden ze schien nog op, inhold dervan hebben ze ofzegd. Blief zokkent ook oet de buurt.
⁰⁶Van dat loag binnen ja dij manlu, dij tou bepoalde hoezen insloepen en doar vraauwlu onder beslag kriegen dij allesbehaalve brandschoon binnen. Zai loaten zok mitslepen deur heur lusten dij ale kanten hèngoan.
⁰⁷Zokke vraauwlu willen wel aaid wat nijs opdoun, mor kinnen der nooit tou kommen woarhaid te aanveerden.
⁰⁸Net zo as Jannes en Jambres tegen Mozes ingingen, zo goan dizze manlu ook tegen woarhaid in. Verdurven van kerakter binnen ze. Wat heur traauw aangaait mout ie zokkent nait hebben.
⁰⁹Mor heur invloud zel wel nait gruien. Hou dwoas of ze binnen, zel elkenain wel goud dudelk worden, net zo as dat mit dijent ook goan is.