t Evengelie volgens Lucas 15 : 1-10

⁰¹Ale tollenoars en zundoars wazzen wènd bie hom te kommen om noar hom te lustern.
⁰²Farizeeërs en schriftgeleerden pröddelden en zeden: “Dij doar, het omgang mit zundoars en et mit heur.”

⁰³Dou vertelde hai heur dizze geliekenis:
⁰⁴“Wèl van joe dij honderd schoapen het en der ain van kwiet wordt, let dij aander negentnegenteg nait in t veld achter en gaait op zuik noar dij aine dij e kwiet is, net zo laank dat e hom vonden het?
⁰⁵En as e hom vonden het, is e blied en tilt hom op scholders.
⁰⁶As e thoeskommen is, ropt e vrunden en noabers bie nkander en zeg tegen heur: ‘Wees mit mie blied! k Heb mien schoap weer dij te zuik was!’
⁰⁷Ik zeg joe: zo zel der meer bliedschop in hemel wezen over ain zundoar dij zok bekeert, as over negentnegenteg goien dij gain verlet om bekeren hebben.

⁰⁸Of wat vraauw dij tien munten het, zel nait as ze der ain van kwiet wordt, n laamp aansteken, t hoes aanvegen en sekuur zuiken, net zo laank dat ze hom vonden het?
⁰⁹En as ze hom vonden het, den ropt ze vrundinnen en noabers bie nkander en zegt: ‘Wees mit mie blied! k Heb dij munt weer dij ik kwiet was!’
¹⁰ Net zo, zeg ik joe, zellen God zien engels blied wezen over ain zundoar dij zok bekeert.”