t Evengelie volgens Lucas 14

²⁸ As ain van joe n bolwaark baauwen wil, den gaait e toch zeker der eerst veur zitten om kostens te bereken en te zain of e t kerwaai wel kloaren kin.
²⁹ Aans zol e meschain fonnementen leggen, mor nait ofbaauwen kinnen. Den zollen aal dij t kerwaai bekieken hom de gek aanscheren en zeggen:
³⁰ ‘Dij man begunde te baauwen, mor kon t nait veurnkander kriegen!’
³¹ As n keunenk tegen n aander keunenk optrekt om slag te levern, gaait e der toch eerst veur zitten om zok ter op te bedenken of e t mit tiendoezend man wel redden kin tegen ain mit twinnegdoezend man.
³² As e dat nait aanduurt, stuurt e, zolaank dij aander nog wiedvot is, ofgezanten en vragt om vredesveurwoarden.
³³ Zo kin gainain van joe mien leerling wezen as e zok nait lösmoakt van aal wat e het.
³⁴ Zolt is n goud ding. Mor as ook t zolt laf wordt, hou zel dat ooit weer goudkommen?
³⁵ t Is ja naargens meer veur te bruken. Nait veur t laand en nait veur misbult. Ie gooien t vot. Wèl of oren het om te heuren, loat dij heuren!”