t Evengelie volgens Lucas 14 :15-24

¹⁵ Dou ain van aander gasten dat heurde, zee e tegen hom: “Zoaleg dij broodeten zel in God zien riek.”
¹⁶ Hai zee tegen hom: “Der was ain, dij n groot feestmoal gaf en nuigde veul gasten.
¹⁷ Tegen tied van t feestmoal stuurde hai zien knecht ter op oet. Dij zol tegen gasten zeggen: ‘Kom! t Staait nou aal kloar!’
¹⁸ Mor ain noa aander vruig of e der veur vot kon. Eerste zee tegen hom: ‘k Heb n stok laand kocht, k mout ter neudeg hèn te kieken. Neem mie nait kwoalek dat ik nait kom.’
¹⁹ n Twijde zee: ‘k Heb vief span ozzen kocht en k zol der net hèn om dij te keuren. Neem mie nait kwoalek dat ik nait kom.’
²⁰ Weer n aander zee: ‘k Bin net traauwd, dat ik kin nait kommen.’
²¹ Knecht kwam weerom en brochde dij bosschop aan boas over. Dij wer vergrèld en zee tegen zien knecht: ‘Goa votdoalek stroaten en stegen van stad in en breng aarme lu, kreupeln, blinden en lammen hier heer.’
²² Knecht dee dat en zee dou: ‘Heer, wat of ie mie besteld hebben, heb k doan. En nóg is ter ploats over.’
²³ Heer zee tegen knecht: ‘Goa pad en weg op en dwing heur der in te kommen. Mien hoes mout en zel vol!
²⁴ Dit wil k joe wel vertellen: gainain van dij lu dij nuigd wazzen, zel wat van mien moaltied pruiven!’”